TBL (Thinking Based Learning) edo Pentsamenduan Oinarritutako Ikaskuntza, ikaskuntza aktibo mota bat da, non arrazoiketa lehenesten den edukien memorizazio estankoaren gainetik, pentsamendu eraginkorra garatzeko helburuarekin.
Metodo hau Robert Swartz, Ron Rittchart, David Perkins eta abarren taldeak Harvardeko Unibertsitateko ZERO proiektuan egindako lanetatik dator.
Goi mailako arrazoibide-prozedurak erabiltzea eskatzen du, hala nola erabakiak hartzea, alderatzea eta kontrastatzea, iragartzea, etab. Horretarako, pentsamendu-mapak izenekoak erabiltzen dira, antolatzaile grafiko eta pentsamendu-errutina desberdinekin batera, ideiak aztertzeko, laburtzeko, antolatzeko eta hauetan sakontzeko.
Ikuspegi aktibo honetan, maisu-maistren rola ikasleek ikastea nahi duten informazioa ematetik, informazio hori beraien kabuz aurkitzen laguntzera eta informazio hori nola erabili zehaztera igarotzen da. Horrela, alde batetik, pentsamendu kritikoa eta, bestetik, pentsatzeko askatasuna garatzeko helburuak ditu, egungo garaietan funtsezkoak diren gaitasunak.
